稱在新加坡被設局致違法料入獄 華記臨別贈言：遇不公要發聲

在反修例風波中熱衷評論時事的著名網紅、「華記茶餐廳」老闆楊官華（華記）近日一直被傳在新加坡「出事」，及至昨晚，他終於再度在Youtube頻道現身說法，他直言自己可能要面臨幾年的牢獄之災。

華記表示：「其實我在10月10日至12日來新加坡目的係尋找生意商機，希望可以在新加坡投資做生意開餐廳，同埋做房地產引入一啲香港嘅購買力去新加坡開公司，投資購置房產做second home，因為已經香港治安唔係話好安全，財務自由嘅朋友可以多一個第二家園，本身我都有做開日本地產項目及飲食業，正在考慮新加坡開多一個窗口，所以我嚟新加坡去考察商機。從來從來沒有想過觸犯新加坡任何法例，自己係唔識得政治，從來冇諗過搞政治，但係點解會喺10月11號就俾警方扣押左本Passport呢，因為係10月11號晚我出於禮貌出席餐廳聚會同人影相，有一大班人就set me up 就搵我影相，（同時有人舉報警局）大家睇高登、連登就見到佢哋點樣誣告我，佢哋有心裝我冇心，咁我於禮貌嘅情況底下，原來就會犯了擾亂公眾秩序罪行，呢招反對派借刀殺人就高到不得了喇。Fans係佢哋，投訴又係佢哋。我這算係犯左新加坡法，算係觸犯法例，咁我都要尊重星加坡個法例，接受新加坡警方調查。」