6500「姜糖」面前姜濤認曾虛報學歷 自揭僅中一水平

「姜家人慈善生日會2026」昨晚(29日)於啟德體藝館舉行，6500「姜糖」入場。姜濤在活動尾聲獨留台上，進行長達十分鐘的真情自白，剖釋出道前不懂事的一面。他承認自己讀書時期的性格、身形與惡習都不討人喜歡，但希望讓大家看見最真實的他。

他坦承自己曾經打架、留班、無書讀，人生陷入迷惘崩潰，要靠做兼職維生，幸得社工幫助找工作，後來漸漸生性。社工更替他報讀職業學校，令他重拾讀書念頭。他不願放棄，即使覺得數學很難也努力過，最終仍是不合格。

他說：「我人生第一次最迷惘嘅狀態，就係我離開中學，學校話冇書讀，讀書太差。你哋知唔知我有留班？不過好多人唔知嘅...我其實留咗兩年班，嗰陣時我唔好意思同大家講，我喺以前訪問講過讀到F.3，其實係假嘅！我留咗兩年班，其實我讀到中一㗎啫。我人生最迷惘狀態無書讀，讀書太差，覺得好丟架！你諗F.1嘅嘢幾難，但我讀極讀唔到。」他坦言最終還是夢想做歌手，曾參加內地比賽，最終參加《全民造星》，但好快紅個人漂，試過打玻璃、鬧人，好彩身邊人拉他返來，捱過了，希望新一歲無論做人做事有越來越好表現，鼓勵大家遇難也勿放棄，「姜糖」大叫一齊加油，最後姜濤唱偶像羅志祥的歌《愛不單行》。