陳百祥力撐炎明熹自組公司重新出發 「依家冇人要靠TVB」

「灣區小天后」炎明熹曾因續約問題被無綫雪藏超過一年，工作幾乎停擺。直至上月底，隨著她與TVB的合約正式到期，無綫在官方藝人資料庫中已刪除她的檔案，宣布她正式離巢，雙方合作畫上句號。早前炎明熹出席歌舞劇記者會，正式向外宣布已自組公司「然后」，重新出發再戰樂壇。資深藝人陳百祥昨日出席活動接受《香港01》訪問時，表示：「我覺得佢開公司冇問題，同埋冇封殺呢樣嘢，成個中國嘅市場，你會睇到就好似鄧紫棋咁，人哋都唔返嚟唱，人哋十幾億身家，喺國內唱，我諗炎明熹係行呢條路，梗係望一個十四億嘅市場，點會望你香港幾百萬人嘅市場啫，佢唱得㗎。」

陳百祥續說：「冇得封殺喎，合同完就完喎，依家冇人要靠TVB，邊有人仲要靠TVB。我哋踢一場波點擊率十億百億，TVB最多人睇，都係講緊十點三十幾點，都係講緊百萬幾人，都唔夠百分之一，係萬分之一都冇，同埋人哋做緊直播係百萬數字收入，你都唔係嗰樣嘢嚟，成個世界轉變緊啦......同埋電視係黃昏嘅事業嚟，只會再蝕錢。」