「綠葉王」吳博君患「漸凍人症」 惡化 不幸病逝終年69歲

資深藝人吳博君於2018年患上「漸凍人症」，今日（15日）傳來病逝消息，終年69歲。曾為吳博君發起籌款的「有艇搭慈善基金會」在社交網透露消息由遺孀證實，「博君已經於7月2日傍晚7:00pm，在家中返天家了，他的告別喪禮也於昨天（7月14日）完成了！」

吳博君於70年代加入TVB，大多演綠葉角色，最為人津津樂道有1996年TVB版《笑傲江湖》劇集演的「桃谷四仙」。

在2018年吳博君突然四肢無力癱瘓入院，及後經醫生詳細檢查後證實患上罕有的運動神經細胞疾病（漸凍人症），最嚴重的時候要在床上解決大小二便。

他指最初有手震情況發生，以為是柏金遜病，沒有多加理會。後來手腳逐逐沒法用力，連下床用的力也沒有，很像癱了一樣。當醫生宣布他患上這絕症時候，人生陷入谷底，他曾向傳媒形容是絕望：「喺張床度郁唔到，但頭腦仲係好清醒，咁先至最痛苦，直情好似等死咁！我仲諗過，不如死咗去好過。」

吳博君曾向傳媒透露要應付龐大的醫藥費，平均每星期需要花費一千元看一次中醫，每個月則需要花費約一萬元。幸好當時不少圈外圈內朋友出手幫助，包括劉德華和薛凱琪曾幫肋他減低經濟負擔。

吳博君曾接受演藝人協會的訪問，當時他稱未有忘記做演員的堅持：「我同期同學有湯鎮業、李成昌、廖啟智、陳敏兒。我冇最難忘嘅角色，因為做得太多，一啲少少發揮到嘅角色都仲有印象，就有《笑傲江湖》嘅『桃谷四仙』、《天龍八部》裡面嘅『風波惡』。演員嘅責任就係盡心，就要盡量演好、發揮好，呢個係應該做嘅事，唔好理角色係大定細。依家有機會就會演，有句叫做『一日演員，一世演員』，我無悔做一個演員，因爲我鍾意演戲，我愛上演戲。」

對於太太不辭勞苦的照顧，辭職全天候照顧他，吳博君曾經說：「冇咗佢唔知點算，晚年能有如此禮物好感恩。」