《奪命提示》開播了！劉穎鏇「最強Body3.0」成為熱話

昨天（17日）正式開播的TVB新劇《奪命提示》，除了劇集一開始即展開首宗充滿懸疑感的「女UC失蹤案件」，亦是「第一代最強Body」掌門人、兼被譽為「TVB最正小花」劉穎鏇（Tiffany）施展渾身解數的晒冷戰場。

日前無綫官方社交網將先後發放Tiffany兩批福利照，分別是甜美VS淚眼汪汪的仙氣婚照以及一件頭泳衣照，360度全方位展示Tiffany最強Body3.0美態。「最強Body 3.0」比之前《隱形戰隊》的2.0更勝一籌，Tiffany今次不但操出完美蛇腰，還展現了結實有致的背肌及腹肌。

Tiffany接受訪問時說：「我都覺得拍《奪命》嗰時，可能係我人生中最弗嘅。一來可能之前拍《隱形戰隊》時操開咗，自己周不時都有跑吓步同做Workout Keep吓。我自己都期望今次可以再弗啲同紮實啲，因為我想觀眾睇落去可以唔同啲。首先飲食方面，我係由自己好似平時咁食，低糖低鹽低油嘅同時係會食番澱粉，可能營養吸收好咗，所以效果都會好啲啲。同埋《奪命》應該係我拍過咁多套劇打鬥最多嘅，變相拍嘅時候都有鍛煉住，令到我都Keep得更好。仲有如果真係遇著啲要超級露腰嘅場口，我會早兩日開始飲少啲水同食少啲澱粉。」