狂操肌變筋肉人 唐寧展現全新形象

43歲唐寧自幼童星出道，甜美標緻外貌更大眾公譽為「童顏天花板」。雖然唐寧近年已移居新西蘭，但仍一直活躍於社交平台，近日她的一輯爆肌相片與過往形象大相徑庭，引發網民熱議。

唐寧於2022年移居新西蘭奧克蘭，之後便未再接拍劇集電影，主力轉型從事KOL工作，平日仍活躍於社交平台分享生活日常，上周四（6日）她於社交平台上分享多張參加女子雙人組別健身賽事相片，相片中見其頭髮染金、一身肌肉，造形極為粗獷，皮膚亦變得黝黑，一改過往甜美形象。

唐寧於留言中表示，自己由上年7月開始跑步，之後陸續參加過多場公開跑步比賽項目：「上年7月開始跑步，11月頭去咗跑步11km『 Run The City』，繼而11月中開始力量訓練，今年2月頭去咗玩 『Hyrox』，之後3月頭都仲有啲嘢玩，不過係會輕鬆好多嘅8.4km Fun Run」。

唐寧解釋指，自己過去未曾認真做過重訓，因此未想到可以用兩個半月時間「操到完成咗呢個有啲癲嘅比賽。」同時亦感謝隊友不介意帶著她這個新手參賽，又感恩「Join咗一間好有heart嘅Gym，係佢哋令我完成咗一樣，我諗都冇諗過會做嘅嘢。」