78歲夏雨返港度歲 也加入發哥郊遊團

78歲夏雨自2016年拍畢TVB劇集《溏心風暴3》便淡出幕前，同太太馬慧玲移居加拿大展開半退休生活，閒時就周遊列國拍片分享。近日返港過年的夏雨，帶同妻子及35歲大仔黃奕晨與周潤發、黃日華、苗僑偉夫婦及蕭正楠夫婦聚會。

黃奕晨近日在社交網分享多張合照，並寫道：「關於初三，琴日赤口有冇同人嘈交，嘈完又唔記得和好呢？今日初四啦！快啲去攬返吓講句sorry啦！重點，我阿媽都真係幾靚！」。

從照片可見，黃奕晨與媽媽馬慧玲及周潤發、苗僑偉、黃日華、蕭正楠及準媽媽黃翠如皆穿上運動裝束，相信眾人是加入了「發哥郊遊團」隨發哥到郊區舒展身心。夏雨身形發福不少，雖然兩鬢花白，但精神奕奕、面帶燦爛笑容。