58場門票火速爆滿 黃子華劉嘉玲舞台劇《香港式離婚》首演

由黃子華與劉嘉玲首度合作主演之舞台劇《香港式離婚》前晚於演藝學院正式公演，二人首度同台合演冷戰夫妻。58場門票早已火速爆滿，首場演出更吸引不少圈中藝人前來捧場，包括袁詠儀、霍啟剛與太太郭晶晶、金燕玲、林夏薇、蔡思貝、蔡一智夫婦、周汶錡、上山詩鈉、丁子高、古巨基、張繼聰與太太、孫慧雪及專誠來港的王大陸等；而各方祝賀花籃也放滿場外，包括劉德華、許冠文、張學友、郭富城、楊受成、鄭裕玲、鍾楚紅、莫文蔚、吳君如及陳可辛、草蜢等，當中更有「Tony」（梁朝偉英文名）所送，祝嘉玲姐《香港式離婚》演出圓滿成功，魅力「嘉人」驚艷舞台的花籃，偉仔雖未見從觀眾通道入場，但仍被發現一早坐於觀眾席中間位置，低調捧嘉玲場，默默給予支持，其後他亦到後台與嘉玲及子華合影。

《香港式離婚》是編劇黃詠詩之作，劇本寫於十多年前，今次已第五度公演。劇中故事發生在一間專辦離婚的律師行，律師夫婦黃子華與劉嘉玲專辦離婚，見盡荒誕，自己結婚多年也貌合神離。

首場演出相當順利，只是有點超時，演畢後兩位主角黃子華與劉嘉玲連同其他演員楊淇、楊詩敏、梁浩邦、趙伊禕以及編劇黃詠詩和導演陳淑儀一同再到台前謝幕。子華一開口即搞笑說：「今晚嘅觀眾唔好彩喇，因為唔到凌晨一點半都唔走得！」子華準備分享演出感受時，全場觀眾已即時鼓掌，子華感謝現場觀眾看得投入：「我覺得我哋做舞台劇，好少會喺演完一場戲嘅時候聽到觀眾拍手掌，有啲似『大戲』feel，係有文化嘅觀眾先做到！」台下觀眾為之鼓掌大笑。子華表示今次有兩件事做得好成功，第一是自己從來甚少做推銷員，但就「Sell」到劉嘉玲來演出，另一樣就是不用嘉玲戒酒，因為台上都有得飲：「我手上嘅係真酒，剛才就係飲呢支，出面有得賣，你哋今日睇咗《香港式離婚》，但《香港式離婚》真正嘅味道係點㗎呢？我做完推銷員啦，多謝大家！」嘉玲開心大笑：「你真係Sell得好成功，我連綵排時都有得飲酒，哈哈！」

子華又答謝觀眾，特別見到今晚有不少是劉嘉玲的朋友，嘉玲笑說：「差唔多前面十行都係我啲朋友。」子華又硬銷說：「如果係朋友但冇買過嘢就唔係朋友啦！」又引得全場大笑。當監製王耀祖因首場已經要超時罰錢而緊張，嘉玲笑答他不是有大會贊助商去支付嗎？王耀祖即叫嘉玲大聲點多講一次，嘉玲只掩嘴偷笑！