女子發帖哭訴萬寧購物被誤會偷竊 遭便衣保安箍頸拖行

有女網民近日在社交平台發帖指，早前遇到店舖保安員暴力「執法」，感到十分憤怒。她表示日前光顧萬寧位於尖沙咀的分店購買枇杷膏，當時使用自助收銀機，確定付款後離開，惟行至距離店舖約50米即被2名女子夾攻，分別箍頸和扯背囊，一邊大聲指控港女「你跟我過嚟！你冇畀錢！你偷嘢！」，一邊將她拖回店內。事件曝光後，不少網民湧到萬寧Fackbook專頁留言，「以後點喺你度買嘢」。

女網民在帖文中表示，10月8日周一早上約10時，她戴着口罩光顧萬寧位於尖沙咀金馬倫道的分店，當時全店只有她和另外2人。女網民購買2盒川貝枇杷膏，並使用自助收銀機付款，扣除優惠後總數80元。她付款後便離開，詎料走了約50米外，「突然之間有1個女人箍住我條頸，另1個女人扯住我個背囊，然後好大聲咁話『你跟我過嚟！你冇俾錢！你偷嘢！』」。

女網民指，當時自己一邊被扯，一邊大叫救命，一度以為遭到綁架，隨後被她們扯入萬寧店內，經理一臉茫然詢問發生何事。女網民形容「呢一刻已經驚到喊」，慶幸「個褲袋袋住張收據」，隨即展示收據，同時質問經理「無端端喺條街度扯住我係咁行，箍住我條頸」、「等個客行咗50米之後扯返個客入舖頭嘅」。她又質問「究竟發生咩事？你覺得我冇畀錢，你咪問我攞張收據睇囉，唔使扯住我入返舖頭啩？」。經理經了解後，聲稱他亦是剛剛才知道該2名女子是便衣保安。

女網民又說，其間有熱心男途人直言見到事件經過，可以為她做證。事件水落石出後，其中1名便衣女保安向樓主「搭膊頭」，歉稱「唔好意思啊，誤會咗你」，樓主反喝「唔好掂我」。

女網民直言，對事件感到非常震驚，「喺香港土生土長，未試過發生咁嘅事」，以為自己遭到綁架，事後向萬寧客戶服務部作出投訴，但暫時沒獲回覆，又形容驚魂未定，撰文時「隻手仲震緊，個心仲跳得好快，打緊呢篇嘢嘅時候都有喊」。