林景程同佘詩曼對戲 演技大爆發

TVB台慶劇《新聞女王》已經播畢，不過由於萬千星輝頒獎典禮將緊張舉行，連帶多個角色能否角逐獎項均成為熱話，其中林景程的出色演技令網民留下深刻印象。

《新聞女王》日前一集劇情講述當年在賊王案頭部中槍的警察梁偉強（林景程飾）原來並未死亡，更於十年後奇蹟地甦醒，Man姐（佘詩曼飾）因而被邀請前往警署助查，梁Sir甦醒雖然令Man姐終能釋懷，但同時亦成為佐治（馬國明飾）打擊Man姐最強武器，他先漠視梁Sir意願以連串引導性問題引導對方講出對Man姐不利的一句：「我行唔到，精神差，講唔到嘢」，再將Man姐當年在賊王事件中極具爭議性的一句說話：「記者唔應該介入現場，報導先至獨立客觀」一併在新聞時段播出，擺明帶領對Man姐不利風向。事件曝光後，Man姐人間蒸發，佐治則找來陳子傑（譚俊彥飾）務求挖出進一步對Man姐不利材料。對於梁Sir奇蹟「回歸」，不少網民大感驚喜，相關場口對於今年有份提名飛躍男的林景程更是一大挑戰。由於梁Sir腦部中槍兼昏迷多年，甦醒後不但狀態蒼老、活動能力近乎零，平時主力靠「眉頭眼額」表達自己之餘，只能應付簡單對答，並要費盡力氣才能逐個字「戥」出來。當梁Sir接受佐治訪問時，便因極度用力想表達自己導致頸都紅埋。其後梁Sir更與Man姐有一場極重要場口，事緣梁Sir約Man姐飲茶，Man姐趁機真誠致歉之餘並遞上支票希望予以補償：「我一個錯誤決定搞成你咁樣。」梁Sir回應的一番話則淚點爆燈演技大爆發：「我約你唔係要賠償，我要接受現實，冇得怪人。我昏迷咗，但我知你成日探我，追唔番就向前望，我昏迷十年，你十年瞓唔著，計落都算打和。」