壓軸現身《新聞女王》 陳山聰視帝級演技演智障爸超入戲

佘詩曼、馬國明、李施嬅主演的《新聞女王》昨晚冬至（22日）播出一連兩集大結局。早前《萬千星輝頒獎典禮2023》公布十強名單，陳山聰竟然憑住《新聞女王》入圍「最佳男配角」，令一班觀眾都感到好疑惑。昨晚大結局播出終於釋疑，壓軸登場飾演智障爸爸「賴志雄」的陳山聰短短兩集演技大爆發，完美交出視帝級演技，令人非常震撼！

昨晚《新聞女王》劇情講到輕度弱智爸爸「賴志雄」陳山聰，因女兒嘉嘉離奇墮樓身亡，一直求助無門，最終持刀及炸彈闖入學校脅持人質事件，其間更因受刺激令場面一度失控，「Man姐」佘詩曼亦因而身陷險境，更險被刀傷。予人感覺有型有款的陳山聰，這次放下型仔外表飾演來自基層家庭的輕度弱智爸爸，無論舉手投足、表情聲線，甚至是背影都入型入格，不論內疚、傷心、憤怒表情都相當精彩，完全演活了失去女兒的痛心、無助及絕望。在學校門外與佘詩曼相遇的一幕，雙眼通紅、滿泡淚水的收下佘詩曼面包一幕，更令人相當心酸。

談到是次角色，視帝級的陳山聰亦坦言頗有難度：「我相信係我入行以嚟其中一個真係都幾難演嘅角色，當時鍾澍佳總監製同我講要拍呢個角色時，我都『嘩！』我開頭仲同阿佘講我嚟客串同佢玩兩場戲，我諗住好似Bosco（黃宗澤）咁著套西裝行行企企講兩句對白架啫，冇諗過要搞成咁！作為一個演員可以遇到真係有一定難度嘅角色其實係開心嘅。」