大晒英式主播口音 李施嬅找教練調教

李施嬅在有份主演的人氣話題劇《新聞女王》展示超強英語實力，飾演張家妍的她以英國口音及英語主播Tone，就英國首相秘密請辭傳聞向現任內閣大臣秘書求證，簡單的一句就令人一度錯覺以為李施嬅本身的專業就是英語主播。

之前施嬅在《金宵大廈2》中晒上世紀六十年代英國口音已大獲好評，當時施嬅披露背後請了專人訓練；今次該名專人再度出手為施嬅進行特訓，雖然今次都是英國口音，但卻因年代差異致發音有所不同：「《金宵2》醫生講嘅英文係六十年代英國口音，所以會傳統啲同有皇室少少嘅感覺，但今時今日嘅英國口音已經Casual咗。我英國嘅Dialect Coach（方言教練）英國、美國、法國口音都識，佢好好，每次同我上堂都係逐個音幫我執，希望令我真係似喺嗰度（英國）長大嘅人。」她又解釋要用英國口音，是因張家妍角色的背景是在英國讀書後返港，所以絕對要用英國口音。

廣東話及英語主播Tone都能應付自如，施嬅謙稱就是要盡力做好功課和背熟所有主播稿：「主播腔我真係練咗好多好多好多次，幾百次甚至一千次，由節奏、音樂感、速度到咬字等，總之我一有時間就係咁練係咁練，每日一有Break或唔使開工就會攞啲主播稿出嚟練。因為啲稿我要背好晒，我先可以做到戲，先可以專注模仿主播聲音、表情同形態。雖然壓力大，但我覺得係必須要做到。」