「女王」 佘詩曼人氣再升 開拍前花一個月學做主播

佘詩曼（阿佘）、李施嬅、王敏奕、何依婷及車婉婉等，昨日到紅磡出席無綫台慶劇《新聞女王》宣傳活動，劇中飾演「Man姐」大受歡迎的阿佘，甫出場即全場歡呼，而飾演「家妍姐」的李施嬅亦獲大批粉絲撐場。一眾出席的演員現場又玩遊戲，即場示範報新聞，咬字清晰表現專業。劇集播出後大熱，阿佘都坦言因此變得忙錄。

劇集播出首周，收視即報捷，最高達24.4點，阿佘指監製有在群組中報喜，希望收視越高越好。對於有指她報道新聞很神似，演出獲觀眾大讚似新聞主播，她表示開拍前花了一個月去練習，阿佘說：「主播報新聞都係大挑戰，呢個係我對自己最基本要求，其間上網睇好多新聞主播報道新聞的片段，又會對住錄影機演一次再翻睇，會留意高低音和尾音，發現到不能夠有太多表情。」至於有前主播指太誇張？阿佘就回應說：「呢套始終唔係紀錄片，戲劇成分係可以有少少，始終電視劇需要有趣味性。」

提到有指她的氣場力壓同劇的馬國明，她認為不能這樣比較：「不可以這樣講，是角色有唔同性格，若果大家都硬淨撞起嚟反而唔好睇，（觀眾讚你眼神凌厲？）自己有理解劇本，當中有好多係我同監製溝通，係入晒血，（有冇參考公司高層？）冇，因為劇本已經賦予咗好多。」劇中她與飾演下屬的何廣沛，二人的親熱戲亦成為焦點，問到可會有更激的親熱戲？阿佘笑說：「已過去咗，即將要換人，呢場戲都係想表達角色性格，大家唔使將焦點放喺嗰度。」

劇集在內地大受歡迎，不少人更模仿「Man姐」的打扮及言行，阿佘亦有留意，覺得很搞笑，證明大家睇得好開心和好投入。問到會否因劇集受歡迎而多了內地工作？她坦言都有因此變得忙錄，但最重要是宣傳令更多人收睇。至於被視為視后大熱，阿佘謙稱沒有多想，但有空的話都會出席頒獎禮。