無綫新劇《新聞女王》近日熱點，其中佘詩曼飾演的主角Man姐劇中頻曬主播Tone，網民亦瘋狂留言讚好，不枉阿佘早於開劇前半年已 為主播語調做定功課。網民紛紛留言點讚：「佘詩曼搣甩雞仔聲，壓低把聲同時做
到高低起伏，配合語速改變，出嚟效果真係好似主播」、「佢應該練咗好耐」、「真係報導得十足方健儀咁樣」。談到佘詩曼飾憑Man姐一角在香港及內地人氣再度急升，劇集總監製鍾澍佳受訪時坦言「冇阿佘冇Man姐」。
就連阿佘昔日《金枝慾孽》中好拍檔「玉瑩小主」黎姿，亦有在佘詩曼社交平台留言：「好型呀！我要睇」，足證「小主」都成為Man姐的粉絲。
