公審女網民後再致歉 姜濤：想跟她聯絡
姜濤說：「我想同嗰位女士講聲對唔住，因為自己嘅一時衝動，而導致呢件事情發生，所以希望將來嘅自己同大家，都可以汲取今次教訓。」提到女網民表示仍然受到騷擾，姜濤說：「無論作為公眾人物，定係民眾都好，都應該喺網上散播多啲正面能量，因為網上其實都係一個充滿愛嘅地方，所以希望大家散播多啲正能量。」
姜濤及後接受其他訪問時，再次向女網民道歉，並認為自己身為藝人，不應將負面能量帶給大家。他透露自己希望跟女網民聯絡，彼此互相了解，無論親身找或私訊也可以，但應會透過公司聯絡對方。他又表示經過今次事件，會更有決心專注事業，減少玩社交媒體。
