患末期癌28歲港男捐80萬助癌童：「我想將帶不走的，留畀勇敢抗癌嘅小朋友」
28歲男子楊嘉驃不幸患上胃癌及肝癌，據報道指他目前正躺在病床上與親友告別，醫生估計他有可能在近日離世。在告別人間之際，他決定將80萬港元捐予兒童癌病基金，幫助同樣正經歷癌病的小朋友，希望患病的小孩都可以化身小鬥士，鼓起勇氣戰勝癌症。
他表示，已捐贈80萬元予香港兒童癌病基金以支持機構工作，「我想將帶不走的，留畀勇敢抗癌嘅小朋友。我好早前已經有捐款嘅決定，因為自己深深感受過患癌嘅痛苦，所以明白患癌嘅小朋友比我更辛苦，而且比我更勇敢。我相信抗癌小朋友都同其他小朋友一樣，都值得擁有一個快樂童年，所以我決定支持佢地。 我想喺到同患癌小朋友講，請你一定一定要相信自己會康復。即使抗癌過程中身體會好痛苦，但只要你唔放棄，相信自己會康復，或者就會等到奇蹟出現嘅一日。我地每個人生命都總會遇上疾病，當你尚有精力同健康，要記得好好珍惜，做自己鍾意嘅事，盡情享受人生。」
