何超儀首談陳子聰病歷 透露大動脈撕裂曾險死
Do姐一開始已表示大家都好關心陳子聰的身體健康情況，何超儀便說：「其實我今次上嚟係想借我老公大動脈撕裂，呢個case同社會上朋友講，原來呢個病我哋一路都無乜點留意嘅，亦都係一個沉默殺手，同埋係無乜病徵。」何超儀表示，老公2016年患過肝硬化，因為早發現所以好快就好返。
何超儀表示，老公肝硬化康復後曾稱想戒煙，「但都已經太遲喇，因為佢之前係個不停食煙嘅人，不論係咪食都要點住支煙，一支駁一支，好似自殺咁，係咁食。」何超儀更指老公從不聽勸，即使說了要戒煙，慢慢又回復以前的吸煙狀態，何超儀惟有用激進方法幫老公：「你要吃素，唔准進食含咖啡因嘅飲品食品、唔准食煙、茶都唔准飲。我聽醫生話唔再畀佢食肥膩嘢，但佢好鍾意搵人買嘢食，因為我屋企啲工人唔識。」陳子聰回復暴飲暴食的生活，直至去年再度出事！
何超儀透露去年10月，陳子聰回澳洲兩周探親，家人不知醫生的叮囑，於是不斷讓陳子聰暴飲暴食。一次陳子聰感到痛楚，連床都下不了，何超儀見老公面色一時黃黑色一時又變粉紅色，覺得不正常，叮囑老公返港要即時看醫生。絡結果，有日陳子聰在澳洲外出車程途中肚痛，最後未泊車已經暈倒，經檢查發現大動脈爆裂。
何超儀表示：「佢肚痛係因為一肚都係血。」需要即時做手術，自己立即趕到澳洲，當時陳子聰已昏迷。她又透露此病易發生在愛吸煙飲酒及有三高的人身上，引致大動脈爆裂的原因是陳子聰做粗活，「開咗肚之後，啲血已經流到一地都係，成個肚都係血，通通都流晒出嚟。醫生要切開佢啲肉，然後要掀起皮，首先拎內臟出嚟，因為四周圍都係血，要先清洗，將裡面啲嘢拎出嚟清洗……」何超儀繪形繪聲形容手術過程，指當時老公體內「爛溶溶」，她指陳子聰最後換了矽膠製的人工動脈，加上醫生趕救人，不小心弄壞了尿道，腎臟亦因而有狀況，並發現腸部有直腸炎，形容陳子聰身上插滿喉如拖板。
手術後陳子聰昏迷許久，小便時全都是黑色血，每天要輸10多包血。何超儀每日以記事簿記下藥名及病名告訴香港的醫生，又指陳子聰的腳慢慢變紫色，而且非常冰冷，差點就要切腿，因怕暖包會燙傷昏迷的陳子聰，何超儀只好每日為老公暖腳，亦有專人為陳子聰洗腎，最終昏迷了一個多月才醒來。
何超儀續說：「因為尿道已經冇咗，佢冇辦法去小便，最初（放尿）都有啲黑血，醫生好擔心佢啲毒素，好多毒素喺體內排唔到出來，結果幫佢做咗個造口畀佢排便，醫生話呢個造口應該係永久性，又開咗個永久導尿管，幫佢不斷洗腎，醫生同我講佢可能呢世都要洗腎。」何超儀悉心照顧老公，壓力都非常大，她透露將事情通知姐姐，姐姐都怕她在醫院情緒失控被趕走，叮囑她在醫院要莊重，每天整理好儀容再到醫院。
直至去年12月，陳子聰經過物理治療慢慢康復，聯絡香港瑪麗醫院後找來教授幫忙，召集了專科人士，及醫治過陳子聰的醫生，讓陳子聰坐醫療專機返港，留醫一個月後回家。但為解決陳子聰自如大小便的問題，就要找全球最好的醫生幫忙，最後在美國重建尿道，接下來仍有各種治療要進行。
節目尾聲，陳子聰透過電話向Do姐鄭裕玲問候，他聲音聽來中氣十足說：「我而家都好返啲喇，每星期都做4次物理治療，做返我本份再去做手術，Josie喺呢種情況下咁照顧我，我自己都感動。」除了感謝太太的付出，他亦直言自己很幸運，是次經歷令他更加珍惜人生。
