疑工作頻被走數陷財困 張學潤被證實燒炭自殺

著名形象指導張學潤爆出在內地離世的消息，其好友肥媽（Maria Cordero）接受傳媒電話訪問，講到張學潤的死訊，肥媽哽咽表示：「我都是2、3個鐘頭前知，法醫未嚟我已經知。」而肥媽亦證實好友張學潤在內地燒炭自殺身亡，「因為得我搵得到佢屋企人，我收到消息時都好Shock（震驚），羅霖知道之後都癲咗，而家我只能搵佢細佬妹，要親人上去（內地）了解，我們都冇辨法。」

肥媽指已一年沒見到張學潤，只知道對方到內地開抖音平台，她聽聞是收不到錢所致，細節還未能確認，「我都未知，我呢一年忙自己事，好唔開心呀！佢細佬都喊到癲，而家要睇佢屋企人意願，有咩主意之後，我哋朋友就Stand by，有咩事搵我哋一定幫手。」說到這裡肥媽已忍不住啜泣，說到一年前見面時，肥媽指當時邀請對方在網上平台合作：「平台係我嘅，佢見賺到錢，後來就去開抖音，我都冇抖音平台，可能佢想有自己平台啦，他帶狗狗開直播節目，我聽聞都做得唔錯，但又收唔到錢。」肥媽坦言這一年好忙，忙於主持《中年好聲音》、《肥媽李鼎》以及每周在個人平台開直播，因此少了聯絡，現在聽到消息好傷心，只能等其家人的消息。

肥媽補充：「因為忙呢一年都冇聯絡，聽講佢係財困，我都唔知點解佢成日做嘢都收唔到錢嘅，好可惜。」她再歎息說：「唉，錢係咩唧！咁多年來，佢一唔掂就打畀我，我實同佢搞掂，我畀完錢，仲同佢搵嘢做，可能今次唔好意思同我講。」

防止自殺求助熱線：
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281