林子善跛腳真相曝光 　 喊戲超感動獲激讚

TVB熱播劇集《隱形戰隊》昨晚（31日）第二十集引爆高潮位，女女（林子善飾）膝頭中槍致失去左腳真相終極曝光，原來當日心急邀功、不聽指令行動的是女女，並驚爆Ocean（馬國明飾）為了保存女女名聲才硬食死貓多時，女女亦因未能接受自己黑暗面，一直失憶記不起關鍵線索。

昨晚女女得悉真相後，無論是林子善的演繹或是相關對白均相當震撼感人，情緒激動、青筋暴現兼滿眶淚水的女女，對著Ocean叫喊：「你愈偉大，我就愈想搵窿捐」、「我寧願你咩都冇做過」，自責又內疚的女女續說：「唔係我，寶寶就唔會同你分手」、「所有嘢都係我自己一個做成，唔好再講喇」，最後女女離開前向寶寶（唐詩詠飾）、Cool Sir（陳山聰飾）等人爆Seed：「我求吓你哋，唔好再跟住我喇」。對於子善喊戲，網民紛紛予以正評，更稱是時候獲獎了。