《中年好聲音》李佳唱《上海灘》獲讚還原度高，愈戰愈勇奪87分最高分兼獲封MVP ，龍婷首度獻唱廣東歌一擊即中評判伍仲衡大讚有穿透力，而十強首位被淘汰的是獻唱《網中人》的丁文俊。
前晚（26日）播出的一集，十強參賽者激戰首個回合《煇黃經典》，出場序及歌單順序為：吳大強《L.O.V.E.》、丁文俊《網中人》、李佳《上海灘》、顏志恒《摘星》、龍婷《焚心以火》、涂家堯《當年情》、林鉫徫《問我》、羅啟豪《奮鬥》、支嚳儀《愛定你一個》及周吉佩《畫出彩虹》；最終來自上海的李佳，憑獻唱《上海灘》獲得全場最高分87分，並獲得回合MVP，以12分累積排名分遙遙領先。
上一回合已獲取高度評價的李佳，一開唱已「聲」勢逼人，聲線夠厚又扎實的她，全程自信十足兼抑揚頓挫，評審張佳添不但聽至眉飛色舞，事後更大讚：「開咗個好聰明嘅頭，用一個好soft嘅頭lead咗入去先，因為好難唱得好過原唱，你做到八成，呢個唔係批評，係讚美，八成係very good。」
這一集可說是女參賽者的天下，首度在節目中獻唱廣東歌的龍婷，不但標準咬字讓評審喜出望外，其「焚心以火」四字帶出的穿透力，更令「穿透力魔人」伍仲衡亦為之眼前一亮。伍仲衡笑謂：「我好想睇你揀錯歌，我好想睇你唔柔情，你今日完全係交到功課，最重要係你唱到個畫面，你唱個火字我感覺到係燒緊，直情感覺到有火，你個火字真係唱得好穿透到，你話你廣東話唔得，你唔講我以為你係地道香港人。」
對於成為十強首位出局者，丁文俊笑指「賺咗好多」，並強調幸好有參加《中年》：「上年我49歲，我同自己講要挑戰自己，本來想送六嚿腹肌畀自己做生日禮物，但𠵱家都仲係未有。最終係突然有呢個比賽，我就決心參加呢個比賽，好彩有參加到，我覺得賺咗好多，尤其後面嗰班參賽者。其實我真係好鍾意音樂，音樂係我生命嘅初衷同動力。」
