譚家為失去蔡天鳳惋惜　 家翁：好融洽我的寶貝女 丈夫：感激在我生命出現

譚仔米線「太子爺」Chris妻子、28歲時裝界名媛蔡天鳳(Abby)慘遭前夫一家合謀殺害再碎屍烹煮。譚家昨日透過媳婦的好友「豹太」發聲。蔡天鳳的現任老公Chris表示：「好開心同感激佢喺我嘅生命出現，帶咗四個咁得意咁聽話嘅小朋友畀我，好扶持我同好愛我嘅一個人。Abby生前係一個好好心地好善良嘅人，永遠都想幫人，我覺得邊個做到佢屋企人同朋友係嗰個人嘅福氣。」

現任家翁說：「咁多朋友都咁錫佢，佢係一個好錫朋友嘅人，就連司機都讚佢係一個好好好盡責嘅媽咪，對我同媽咪都好尊重、好客氣，我哋一家一齊去下旅行，好融洽，只係一個冇血緣嘅寶貝女。」與此同時，蔡天鳳的現任奶奶亦說：「結咗婚番嚟，女又係佢新抱又係佢，好尊重我哋兩個，母親節同我生日一定要同我食飯同埋買禮物畀我，對管家工人姐姐同司機都好好，從來都冇架子。」

「豹太」昨晚在一個網上節目上，亦表示希望大家不要騷擾譚家的家人，兩老亦希望透過她向媒體表示：「非常非常之痛心，非常非常之傷心，希望可以幫Abby討番個公道。」