現年2歲多的早產男嬰信信，在2個半月大時出現肝臟纖維化，去年完成換肝手術保命，經過十個多月留院出院回家。可惜，在聖誕前夕突然排出血便及「屙鮮血」，一度需要留醫 NICU (新生兒深切治療部) ，經過治療後，信信早前短暫出院回家。信信媽媽今早(17日)在Facebook專頁表示，信信昨日入院抽血，以準備今日(17日)的通血管手術。媽媽為信信打氣：「你要加油，媽媽知道你好驚⋯但都依然好努力⋯。落去手術室都好淡定⋯冇扭計。等到媽媽來送你入手術室親自抱你過床陪到你瞓著幫你打氣，加油加油！你仲有好多朋友仔為你加油，打氣，等緊你出來。今次一定可以順順利利再闖一關！」
