女學生不慎跌嘢落坑渠　 熱心小巴司機合力執回

相信不少人都曾經不小心「跌嘢落坑渠」，繼而感到十分徬徨，想盡辦法都難以拾回。日前，有網民目睹就在粉嶺火車站旁數名女中學生不慎將東西跌落路邊坑渠，幸獲兩名小巴司機熱心協助，即場撬開渠蓋努力下終尋回失物，司機更獲女學生們拍掌歡呼並大叫「好勁啊」，司機則回應指「冇嘢解決唔到嘅！」該網民分享司機助人的好人好事，又讚揚司機的態度可成為學生們的人生導師，形容「呢啲咪win win(雙贏)，大家都開心」。