開騷前擔心失聲 陳奕迅淚灑舞台

陳奕迅（Eason）的紅館演唱會前晚來到第24場，不過中午綵排時，Eason發現聲音出現少許問題，擔心會失聲的他變得浮躁和驚恐，幸好演出順利，台下的觀眾即不斷為Eason加油，令Eason相當開心和感動。

安哥環節上，Eason揀了他近年非常喜歡的一首歌《相信你的人》，唱畢他第一次解釋為什麼揀這首歌，更突然感觸到控制不到情緒，泣不成聲！他抹着淚水道：「唉！我係唔suppose（假設）有呢個樣，二十多年來，我從來都唔會畀呢個樣大家睇嘅！唉！羞家，失禮……我通常剩係帶歡樂同憤怒畀大家，我冇哀愁，哀愁喺晒歌裏面，我亦唔想喊，喊緊點唱歌畀大家聽……呢隻歌陪咗我兩三年，每當我有不開心、迷惘時，呢支歌畀咗好多力量我，所以我特登揀來送畀大家，請大家相信：勇氣就係魔術，可以幫到你。」