《下流上車族》奪最佳劇集 「車總」林敏驄：「能夠參與呢套劇好驕傲」

無綫《萬千星輝頒獎典禮2022》「最佳劇集」由《下流上車族》奪得，由影帝任達華與影后張艾嘉負責頒獎。劇中一眾演員上台領獎，向來看淡獎項的「車總」林敏驄幽默地表示：「個人榮辱好小事，識攞梗係攞終極大獎，真係能夠參與呢套劇我覺得好驕傲。係咪要多謝珍姐 (曾勵珍)？同埋要多謝我老友總經理 (曾志偉) ，佢對我無乜好過，我一路等佢良心發現。佢甚至係比我更加了解我，佢好似係一個最好嘅朋友，默默守護喺你身邊，知道晒你可以做到咩嘢，同埋知道你有咩不足，適當時候推你一下，多數時候想推你去死。佢係有一顆善良嘅心，今晚呢度幾百人，我都數唔到有幾多個係佢幫助過嘅。」

監製關文深亦感謝曾志偉在困難重重下，仍給他機會開拍這套劇集，最終奪得大獎。