演大反派獲讚演技躍進 高鈞賢：拍前做足功課

高鈞賢在無綫台慶劇《法證先鋒V》中一改斯文形象飾演大反派張世熙，演出獲網民大讚有型靚仔及演技大進，更封他為新一代凍齡男神。

高鈞賢表示非常喜愛今次的角色，他說：「呢個角色好好玩，睇到劇本時已經知道有好大發揮空間，雖然今次係演反派，但每個反派背後都係有原因，唔想只係話為壞而壞，所以成個過程都有同監製好好溝通，之後會有一場感情戲交代得好好。」

他續指曾在《法證II》飾演一名警察，今次則飾高級化驗師，因此花了不少功夫塑造新的感覺給予觀眾，他說：「本身角色不用戴眼鏡，係我自己要求要戴，想營造到斯文得嚟有啲深藏不露嘅感覺，同埋我都有參考咗好多劇集、電影，希望畀到觀眾專業嘅感覺。」

今年高鈞賢先後有3套劇集出街，包括《飛虎之壯志英雄》、《白色強人II》及《法證先鋒V》，當中他在《白色II》飾演頭部中彈的病人，全程要抽搐着演戲，被大讚他演技突飛猛進，如今於《法證V》再下一城挑戰高難度飾演大反派，他除了憑張世熙一角於《萬千星輝頒獎典禮2022》提名「最佳男配角」及「最受歡迎電視男角色」外，今年成績亮麗的他更有份提名「飛躍進步男藝員」。