陳慧琳驚喜現身酒吧 與粉絲合唱《紀念日》

天后陳慧琳(Kelly)向來親民貼地，近日就有網民在網上分享與Kelly的夢幻經歷，指自己在酒吧消遣，竟然遇上Kelly主動合唱經典《紀念日》。

這位網民在社交平台分享當時的照片和片段，留言︰「是咁的，噚晚食完飯抽完獎去酒吧搵朋友，見大家靜靜哋我就揀首經典合唱歌《紀念日》，睇吓有冇人一齊唱。當我唱完一段副歌，正在惆悵冇女聲合唱的時候，忽然間聽到有人話『等我嚟』，頭都未轉得切，已經聽到有一把悅耳的聲音在左邊唱到同伴唱一樣，當我猶豫地轉個頭望過去睇吓邊個咁夠膽挑戰我偶像......原來就係佢本人 - 陳慧琳！簡直不能相信，超級夢幻，值得紀念的紀念日﹗#早來的聖誕禮物 #紀念日 #1118 ＃幾時再有得睇你演唱會 #幸運日」

片段中的Kelly身穿牛仔褸、百褶短裙配白色長襪，在場不少人見到Kelly都十分雀躍，紛紛拿起手機拍攝。