父子死別戲令人心酸　楊證樺難抽離：拍到好唔開心

無綫劇集《超能使者》劇情緊湊，當中不少小演員更是表演出色，日前一集講述高佬（楊證樺　飾）與明仔(潘墨凌 飾)的父子催淚生離死別戲，令不少觀眾印象深刻。

明仔為賺錢讓父親做換肝手術而運毒，結果令同學誤食毒品朱古力身亡，黑白兩道四出搵明仔父子，高佬因為搵明仔更錯過換肝手術，走頭無路的高佬卻與明仔自行了斷。「高佬」楊證樺在山上重遇明仔，心痛的高佬怒打明仔斥他運毒，明仔聲淚俱下向父親表明心迹：「我唔係貪錢，係想賺錢幫你換肝咋！屋企冇錢畀你做手術，你一定冇得醫，我唔想你死呀老竇，你唔好離開我啦…」走頭無路的高佬萌輕生念頭，將老鼠藥混入熱粥餵兒子，並準備自行了斷。四名「超能使者」趕至欲制止悲劇，但明仔已告死亡，眾人淚灑當場。此時劇情峰迴路轉，Q姨（唐詩詠飾）忽然靈機一觸，對明仔進行心肺復蘇，成功令明仔回復心跳兼「起死回生」。網民紛紛嗌感動：「喊死」、「明仔父子做得好好」、「囝囝幾好戲

楊證樺坦言是入行以來最淒涼及心痛角色，亦是他最喜愛角色之一，感激監製文偉鴻Jazz給這個機會：「當初Jazz同我講呢個故事時我已經想喊，一埋位就好有感受。因為劇情要親手殺死自己個仔，由接到劇本到拍完個人都Keep住沉醉喺角色入面，好唔開心。」

對於「明仔」演技獲監製及網民讚賞，楊證樺指對方聰明乖巧，二人合作十分舒服：「拍之前都有同佢傾偈，了解吓佢背景、點解鍾意做戲，慢慢拉近距離，之後埋位就好易演到。佢都熟讀劇本、做足晒功課先嚟現場，所以對稿一、兩次就拍得。」